Жапонияның ірі банкі «Tokyo-Mitsubishi UFJ» (BTMU) Дубайда филиалын ашты. Бұл филиал ислам корпоративтік қаржыландыру қызметтеріне қолжетімділікті қамтамасыз ететін бірінші жапондық компания болмақ. Сондай-ақ, банк Сауд Арабиясының ұлттық «Maaden» тау-кен компаниясына 200 млн доллар несиені шариғат талаптарына сай беретінін хабарлады. Жалпы «Mitsubishi UFJ» алдағы үш жылда өзінің Таяу Шығыстағы несие қаржысының бизнес үлесін 15%-ға дейін арттыруды көздеп отыр.