Сауапты іс сабақтасты

Кезекті қайырымдылық шара өз жалғасын тапты. «Зекет» қорының өкілі Еркебай Жұматаев арбаға таңылған мүгедек баласы бар қаламыздың тұрғыны Мұратхан Оңагүлдің отбасына арнайы барып, оның бүгінгі хал-жағдайымен танысты. Келе жатқан Мәуліт айымен құттықтап, Алла елшісі Мұхаммед с.ғ.с-ның хадисінде айтылған сабырлық пен шүкірліктің мәнін түсіндіріп сый-сияпаттар жасады. Атап айтқанда, түрлі-түсті теледидар, бір қап ұн және азық-түлік берілді. Алдағы уақытта да өз кезегінде қордың қамқорлығында болатындығын жеткізді. Алла Тағала Құран Кәрімнің «Зілзала» сүресінде «Шаңның тозаңындай жасаған жақсылықтың салмағы ескерілмей қалмайды» деп сүйіншілеген. Ендеше, осындай ізгі істердің сауабын жақсылық жасауда жарысқан барша мұсылмандарға нәсіп етсін тілейміз.

[gallery link="file" ids="21376,21377,21378"]
© 2009-2024, Қарағанды облыстық мешіті Сайт материалдарын қолдану үшін