Қасиетті Рамазан айында ҚМДБ-ның төрағасы, Бас мүфти Серікбай қажы Сатыбалдыұлы хазреттің бастамасымен БҚО бойынша мешіттерде ауызашар ұйымдастырылуда.

ҚМДБ-ның БҚО бойынша өкілдігінің ұйытқы болуымен жеке кәсіпкерлердің қолдауымен және жамағатымыздың демеуімен қасиетті Рамазан айының алғашқы күнінен бастап Орал облыстық орталық мешітінде тұрақты түрде 300-ге жуық жамағатқа, қалалық мешіттерде 100 астам жамағатқа аудан, ауылдық мешіттерде ауызашарлар берілуде.

Алғашқы күні «Орал» орталық мешітінің бас имамы Еркебұлан Қарақұлов жамағатпен бірге ауыз ашып, «Ораза» турасында уағыз айтып, дұға жасады.

БАҚ өкілдерінің қойылған сауалдарына жауап берді.

Келген жамағаттарды орталық мешіттің кезекші наиб имамдары қарсы алып  имандылық, ізгілік, мейірім тақырыбында уағыздар айтылуда.