Бүгін Астана қаласында Қазақстан мұсылмандары діни басқармасының төрағасы Ержан қажы Малғажыұлы Мысырдан келген бір топ ұстаздарды қабылдады.

Мысыр мүфтияты мен ҚМДБ арасында жасалған келісім негізінде келген дін қызметкерлері Астана, Алматы, Көкшетау, Қарағанды қалаларында мешіттер мен медреселерде, қарилар орталығында Әбу Ханифа мәзһабы бойынша дәріс беріп, қызмет етпек.

«Қадірлі ұстаздар, Қазақстанға қош келіпсіздер! Алла Тағала қадамдарыңызға, жұмыстарыңызға береке нәсіп еткей! Қазір біз еліміздегі дін қызметкерлерінің діни білімі мен тәжірибесіне үлкен мән беріп отырмыз. Осы бағытта Сіздер де үлкен үлес қосады деген сенімдемін», – деп атап өтті Бас мүфти.