Қасиетті жұма күні ҚМДБ-ы төрағасының орынбасары, наиб мүфти Бауыржан Есмахан арнайы жұмыс сапарымен Ақмола облысының орталығы – Көкшетау қаласында болып, өңір басшысы Мәлік Мырзалинмен жүздесіп, жергілікті діни ахуалмен танысты.
Одан әрі қала мешіттерін аралап, олардың тыныс-тіршілігіне қанықты. Бір ғасырлық тарихы бар Жақия қажы мешітінде діни насихат жұмысының қалай жолға қойылғанын сұрап, білді. Әсіресе, діни сауат ашу курстарының жай-күйіне назар аударды. Қоғамымызда діни сананы қалыптастыруда мұндай дәріс беру жұмыстарының тиімділігіне баса тоқталды.
Бас мүфти Серікбай қажы Ораздың бастамасымен жарияланған биылғы «Ислам және отбасы жылына» орай істеліп жатқан шаралар жөнінде ой бөлісті. Аталған мешіт жанында алдағы уақытта ашылғалы отырған отбасы мәселелері бойынша кеңес беру орталығының кеңсесін аралап көрді. Отбасы құндылықтары ислам қағидаттарымен ұштасатынын, мұның қазақ қоғамы үшін маңызы зор екенін атап көрсетті.
Одан әрі «Нұр», «Ғалым» және «Ықылас» мешіттеріне де ат басын бұрды.
Пікірлер