Қасиетті Рамазан айының қарсаңында Маңғыстау облыстық орталық мешітінде қала, аудан және ауыл имамдарының кезекті жиналысы өтті. Жиналысқа Маңғыстау облысының өкіл имамы С.Сейтбеков төреғалық етті.

Жиналыстың өзекті мәселесі, ҚМДБ тарапынан биылғы Рамазан айында мешіт қызметкерлерінің атқарылуы тиіс іс-шаралар таныстырылып, Рамазан айы туралы бүктеме-парақшалар дайындау, Оразаға қатысты негізгі сұрақтарға жауап ретінде жазылған кітапшалар тарқату, қасиетті айдың сәнін келтіру мақсатында билборд, банерлерге құттықтау сөздер жазу міндеттелді. Сонымен қатар 30 күн оразада ауызашардың тұрақты берілуі, Тарауих намазында Құран хатым жасалуы, жамағатқа Рамазан айының қадір-қасиеті туралы уағыздар айтылуы қадағаланды.

Жиын соңында имамдар Рамазан айын жоғары деңгейде өткізу мәселесінде ұсыныстарын айтып, пікірлерін ортаға салып тарқасты.