18 қыркүйек 2018 жылы Қазақстан мұсылмандары діни басқармасы төрағасының бірінші орынбасары, наиб мүфти, Түркістан облысы бойынша өкіл имам Наурызбай қажы Тағанұлы Сарыағаш ауданында арнайы сапарда болып, аудан әкімі Қайрат Әбдуәліұлымен жеке кездесу өткізді.

Іс-сапар барысында Қазақстан мұсылмандары діни басқармасы төрағасының бірінші орынбасары, наиб мүфти, Түркістан облысы бойынша өкіл имам Наурызбай қажы Тағанұлы Сарыағаш ауданы орталық мешітінде өткен «Жат ағым – індет, онымен күресу баршаға - міндет» атты дөңгелек үстелге қатысты.

Сонымен қатар, наиф мүфти бас болып облыстық наиб имамдар С.Моллатілеуұлы, Ж.Тәжімұратұлы, іс басқарушы М.Қалжанұлы, аудандық Ішкі саясат басқармасының мамандары, БАҚ өкілдері, Сарыағаш ауданы орталық мешітінде бас имам Б.Қалдаровтың ұйымдастыруымен өткізілген «Зайырлы мемлекеттегі діни ұстаным» атты имамдар семинарын өткізді.

Кезекті кездесуде наиб мүфти Сарыағаш ауданы, Жартытөбе ауылдық округі, Бостандық елді мекеніндегі «Новоабад» мешітінің жамағатымен кездесіп, бесін намазынан соң «Тәуелсіздіктің қадірі», «Тыныштық, бейбітшілік», «Ағымдар кесірі» тақырыптарында уағыз-насихат айтты.

Одан соң Сарыағаш ауданы «Сарыағаш медресе-колледжінде» болып, тыныс-тіршілігімен танысып, медресе ұстаздарымен, «Ұлдар» және «Қыздар» медресе шәкірттерімен кездесті.

Іс-сапардан соң Сарыағаш аудандық «Сәт» телеарнасында қонақта болып, арнайы сұхбат беріп, алдағы уақыттарда да мұндай сапарлар ұйымдастырылып тұратындығын айтып өтті.