Ақтөбе медресе колледжінде жаңа 2018-2019 оқу жылына қабылдау емтиханы өтті.
Талапкерлер фиқһ, ақида, Құран, қазақ тілі және қазақстан тарихы пәндері бойынша сынақ тапсырып, оған қоса сұхбаттасудан өтті. Сынақты ҚМДБ-ның діни білім және кадрлар даярлау бөлімінің меңгерушісі Марат Жаппасбаев, Ақтөбе облысының өкіл имамы Төлеби Оспан, медресе директоры Әбдімүтәлі Дәуренбеков қабылдады.
Талапкерлердің сынақ жұмыстары сарапталып, балдары есептелді. Нәтижесінде жақсы көрсеткіш көрсеткен 26 студент оқуға қабылданды. Оның екеуі – Алға балалар үйінің тәрбиеленушілері. Одан өзге Маңғыстау, Оңтүстік Қазақстан, Қызылорда, Атырау облыстарынан келген талапкерлер де бар.
Айта кетейік, өткен жылы мемлекет тарапынан 25 орынға грант бөлінген болатын.
Пікірлер