Шығыс Қазақстан облыстық «Халифа Алтай» мешіті «Зекет» қорының атынан тұрмысы төмен отбасыларға азық-түлікпен күнделікті тұрмысқа қажетті заттардан көмек көрсетті.

Шараға мұқтаж отбасылардың әлеуметтік картасы арқылы жасалған тізімдегі отбасылар қамтылып, бұл жолғы қайырымдылық Өскемен қаласының іргесіндегі «Шығыс» кентінде өтті.

«Қайырымдылық жасау біздің басты парызымыз. Бұған дейін «Зекет» қорының атынан бірнеше мәрте тұрмысы төмен отбасыларға және басқа да әртүрлі санаттағы мұқтаж, көмекке зәру жандарға жәрдем бердік. Шара алдағы уақытта да жүйелі түрде жалғасын табатын болады» деп атап өтті, шараны ұйымдастырушылар.