Тілдік нұсқа
Радио

мақала

ШАЙТАН АЗҒЫРУДАН ҚҰТЫЛУДЫҢ ТИІМДІ ЖОЛЫ
19 қазан, 2018 жыл 405 Басып шығару нұсқасы

Ұры қазынасы жоқ қаңырап, бос тұрған үйге кірмейтіні секілді шайтан да иманы жоқ жанға жақындамайды. Шайтан да ұры секілді. Ол мүминнің, мұсылманның иманын ұрлайды. Сол себепті мұсылманның маңын торуылдайды, мұсылманның тамырында қандай ағады. Уәсуәсәсін, азғыруын мұсылманға жасайды. Сондықтан, мұсылман барынша сақ, неғұрлым қырағы болуы тиіс. Иманын үнемі қарауда, бақылауда ұстауы қажет. 

Әли ибн Әбу Талиб: «Біз бен кітап иелерінің намазы арасындағы айырмашылық шайтанның уәсуәсәсі. Ібіліс өзіне бойұсынғандары үшін олармен айналысуды қойған. Мүминдер болса, үнемі шайтанға қарсылық танытып, онымен соғысуда. Ал күрес тек қарсы келгендермен болмақ», – дейді. Сол үшін шайтан үнемі өзіне қарсылық танытқан мүминдермен күресіп әлек болады. Демек, біздер үнемі соғыс майданында жүргенімізді ойымыздан, санамыздан шығармауға тиіспіз. Иманымызды қорғау мәселесінде салғырттыққа жол бермеуіміз керек. Сол кезде Алланың жәрдемі мен жеңісіне ие боламыз.

Шайтанның азғыруынан қалай құтыламыз?

Шайтанның азғыруынан құтылу үшін оның Жаратушысына сиынамыз. Яғни, Алла Тағалаға.

Хорасандық бір адам Ирақ тарапына ілім алуға барған екен. Сол жерде бір ғалымнан дәріс алып, төрт мың хикметті сөз үйренеді. Содан кейін еліне қайтпақ боп, ұстазынан рұқсат сұрау үшін алдына барады. Ұзтазы:

– Саған бір сөз үйретейін, үйреткен сөзім барлық нәрседен жақсы, – дейді де, – Ібіліс саған уәсуәсә бере ме? – деп сұрайды. Шәркірті:

– Иә, – деп жауап береді.

– Сол кезде сен не істейсің?

– Ол уәсуәсәсін жоямын.

– Қайта кеп азғырса ше? – дейді ұстазы.

– Тағы да жоюға тырысамын, – дейді шәкірті. Сонда ұстазы тұрып:

– Алланың дұшпаны шайтан саған зардабын тигізіп, сені ғибадаттан тосуға тырысса, сен уәсуәсәні жоюмен айналыспа. Қойшының қасындағы иттің жанынан өткен жолаушы иттің қауып алуынан иесіне тығылғаны секілді сен де шайтанның азғыруынан Алланы панала, Аллаға сиын. Ақиқатында шайтан да бір ит. Алла Тағала оның айласынан, жамандығынан баршамызды қорғасын, – дейді.

Расымен де, шайтанның азғыруын қайтарамыз, жоямыз деп жүріп, кейде ғибадаттан, зікірден, ілімнен қалай қағылып қалғанымызды байқамай қаламыз. Сондықтан да шайтанның азғыруынан құтылудың жолы – иесіне сиыну ғана екен.

أَعُوذُ بالله مِنَ الشَّيْطَانِ الرَّجِيمِ

Ә‘узу билләһи мин әш-шайтанир ражим!

Қуылған шайттанның азығыруынан Аллаға сиынамын!


 

Пікірлер

Поле не должно быть пустым!
Комментарий отправлен на модерацию.
    бас мүфти блогы бас мүфти блогы

    Күнтізбе

    Жоғары