Қасиетті Құран Кәрімде: «Біз сендерді қорқыныш, аштық, дүние-мүліктеріңді кеміту арқылы сынаймыз»-делінген.
Өмір болған соң адамның басына әр түрлі іс түседі. Дертке шалдығуы, қайғылы оқиғаға тап болуы, қарызға батуы мүмкін және т.б. Осындай кездері Алла елшісінің мына сөздерін естен шығармау қажет: «Шынында үлкен қиындықтан үлкен сауап бар. Осындай қиын сәтте разылық танытатын адам Алланың разылығына ие болады. Разылық танытпаған адам Алланың разылығына ие болмайды»-деген.
Ахмад мынадай хадисті жеткізген: «Бәрінен бұрын Пайғамбарлар, содан кейін жақсылық жасаушылар, содан кейін соған ұқсайтындар көп сыналады».
Сынақтың адамға пайдасы:
Басына қиындық түскен адамдар үш санатқа бөлінеді:
Сенім келтірген адам үшін әр істе қайыр бар. Алла елшісі: «Мұсылман үшін әр істе жақсылық бар. Егер оған қуаныш келсе разылық танытады және бұл үшін оған жақсылық бар. Егер қиындық түссе сабырлылық танытады және бұл үшін оған жақсылық бар»-деген. Адам қиындықта ашуланып, Алла Тағаланың жазғанына риза болмай, тағдырына налып жатса күнәсін, жағдайын одан сайын ауырлатқаны. Пайғамбарымыз: «Шынында сабыр қиындықтың алғашқы сәтінде көрінеді»-деген. Ал біз көбінесе керісінше жасаймыз. Алдымен ашуланып, іштегі бар ашу-ызамызды шығарып, балағат сөзімізді айтып, кәрімізді төгіп, адамдарды ренжітіп болғаннан кейін өкініп тәубемізге келіп жатамыз.
Қиындыққа тап болған адамға не істеу қажет?
Пайғамбарымыз (с.ғ.с): «Қиямет күнінде қиындық көрмеген адамдар басына қиындық түскен адамдардың алып жатқан сауабын көріп, осы өмірде тәндерін қайшылағанын қалайды»-деген.
Ендеше Алланың қалауына қарсы келмей, бойұсынып, әр істе сабырлылық танытайық!
Қарағанды облыстық орталық мешіті
Әмина Омарова
Пікірлер