Әбу Саид әл-Худри (р.а.) риуаят еткеніндей: «Алла елшісі ﷺ ыдыстың сынған және жарық жерімен ішуге және тәрелкеге үрлеуге тыйым салған» (Әбу Дәуіт, Ашриба,3722). Расулалланың ﷺ бұлай айтуының өз себебі бар. Сынық ыдыс денені жарақаттап, түрлі ыңғайсыздықтар туғызуы мүмкін. Алайда бұдан зорғысы ол денсаулыққа зиян. Мұны қазіргі медицина да дәлелдеп отыр. Мамандар ыдысты қанша жуғанымен, жарық немесе сынық жерге бактериялар жиналып қалады дейді. Ал оның арты түрлі ауруларға апаруы мүмкін. Иә, Пайғамбарымыздың әрбір хадисі ең құнды мәлімет екеніне тағы бір мәрте көз жеткізуге болады.