Тілдік нұсқа
Радио

мақала

Умардың үлкен байлықтан бас тартуына қандай қорқыныш себеп болды?
19 тамыз, 2015 жыл 22 Басып шығару нұсқасы

Үлкен байлық пен материалдық игіліктерге ие болғанда адамның осы көздің жауын алатын дүниенің арбауынан аман болуы қиын-ақ. Әсіресе бүгінгідей біздің арман-қалауымызды біздің мүмкіндіктеріміз шектейтін уақытта тіптен қиын.


Тақуа халиф Умардың билігі кезінде парсы елін жеңу мүмкіндігі туды. Соңында мұсылмандар мол қазына, байлықпен оралады. Умар таудай қазынаны жоқ-жітікке, кедей-кепшікке кешке дейін таратып, өзі бір зат алмастан үйіне кешкісін оралады.


Сонда Умардың жұбайы:


– Тым болмаса екі дирхам алып, тамақ сатып алып келмедің бе? Бізде жүрек жалғар ештеңе қалмады – дейді.


Жұбайының бұл сұрағына Умар Құранның әл-Араф сүресінің 20 аятынан үзінді айтып, жауап береді:


– Сендер өз игіліктеріңді дүние істеріне жұмсап, пайдаландыңдар. Бүгін сендердің еш құқықсыз жерде жасаған істерің үшін және адал болмағандарың үшін азап бар.


Сөзін жалғастырып:


– Мен солардың бірі болудан қорықтым. Және Қиямет күнінде Алла елшісінен алыс болудан қорықтым. Себебі мен оның: «О, Жаратқан ием! Маған кедейдің өмірін бер және кедей болып өлуді жаз және кедейлер арасында тірілт»-деп дұға қылғанын естідім»-дейді.


Осыны айтып, Умар үйінен шығып, мешітке барады. Мешіттегілерге келіп:


– О, адамдар! Егер бізде Қиямет күнінен қорқу сезімі болмаса, біз басқаша болар едік. Дәл осы қорқыныш мені ойға салды – дейді.


Біршама уақыттан кейін билеуші:


– Кім маған екі дирхам қарызға бере алады? Біздің үйде жейтін ештеңе қалмапты – деп сұрайды.


Осыдан кейін сахабалардың бірі оған екі дирхам берген екен.


Қарағанды облыстық орталық мешіті


Әмина Омарова

Пікірлер

Поле не должно быть пустым!
Комментарий отправлен на модерацию.
    бас мүфти блогы бас мүфти блогы

    Күнтізбе

    Жоғары