Бірде Алла елшісі жерде төрт сызық сызып, сахабалардан бұның нені білдіретінін сұрайды.
– Алланың елшісі бізден жақсы біледі, – деп жауап берді олар.
Сонда Алланың елшісі:
– Жұмақ төріндегі төрт әйел: Хадиша бинт Хувайлид, Фатима бинт Мұхаммед, перғауынның жары Асия бинт Музахим және Мәриям бинт Имран – дейді.
Ол Алла елшісінің бірінші жұбайы ғана емес, әрі досы, әрі көмекшісі, әрі серіктесі, әрі сахабасы болған. Ерінің пайғамбарлық жолы басталған ең қиын кезеңдерде де ол ерін қолдай білді. Алла елшісі оны ешқашан есінен шығармаған. Меккенің ең бай әйелдерінің бірі болған және Исламды қабылдағаннан кейін Алла разылығы үшін сол бар байлығын жұмсаған жан. Хадиша анамыз көзі тірісінде жұмақпен сүйіншіленген.
Ол «Захра» деген атқа ие болған. Мағынасы «нұрлы жүзді» дегенді білдіреді. Сондай-ақ оны «Батуль» атаған. Мұның мағынасын аударғанда «тақуа әйел» дегенді білдіреді. Фатима әрдайым сабырлы әрі қарапайым қалпынан танбаған.
Бірде Фатима Асма бинт Умайсқа өзі қайтыс болғаннан кейін сабанға кебінделген денесін өзге ерлердің көрмегенін қалайтынын айтады. Асма Эфиопияда қайтыс болған адамның денесін табыт салып алып жүретінін айтады. Мұны естіген Фатима өз денесін өзгелердің көрмеуі үшін сол Эфиопиядағыдай табытқа салып алып жүруді өсиет етеді, ол өсиеті кейін орындалған.
Перғауынның жұбайы болса да ол қарапайым болған. Алла Тағаланың әмірімен Асия Ніл өзенінде жүзіп жүрген себетті көреді. Себетті судан шығарып, ашқанда ішінде ұл баланы – Мұса пайғамбарды көреді. Асия өзінің ерін осы баланы тәрбиелеуге алуға көндіріп, оған емізуші тағайындайды. Ол емізуші әйел Мұсаның шын анасы болып шығады. Асия Алла Тағалаға деген өз сенімін ерінен жасырады. Бірақ перғауын біліп қойып, Асия қинау кезінде шахад сөздерін айтып қайтыс болады.
Алла елшісінің хадисінде аталған төрт әйел әр түрлі кезеңдерде өмір сүрсе де, тағдырлары әр түрлі болса да, олар тақуалықтарымен, қарапайымдылықтарымен, адалдық пен адамгершіліктерімен, сыртқы сұлулықтарымен, рухани байлықтарымен ерекшеленген.
Қарағанды облыстық орталық мешіті
Әмина Омарова
Пікірлер