Бүгінде XXI ғасыр ғой бала еркін жүру керек, сабағына дайындалсын кедергі келтірмейік өзі дайындалсын, өзі оқысын, кейбір мәселелерді өзі шешсін деп баланы еркіне жіберетін ата-аналар көбейіп келеді. Баланы еркіне жіберген соң буыны қатпаған жас не істемейді? Өзім білемге салынып, ата-анадын алшақтайды. Бір ата-аналар баласы кәмілет жасқа толғанда, тәрбие мәселесіне кешігіп қалғандарына өкінішін білдіреді. Айтқанына құлақ аспай, оларды ренжітетін жағдайлар да өзінара кездесіп жатады. Асыл дінімізде баланың ата-ана алдындағы парызы ең біріншіден ата-анасына құрмет көрсету деп айтылған. Қай кездеде ата-ананың жанынан табылып, оларға қамқорлық жасауы да үлкен парыз. Әке-шеше разылығын алған перзентінің орны арғы дүниеде жәннаттан деген. Сондай-ақ ата-анасының қалауын орындаған перзенттің үйі әрдайым берекелі, несібесі мол, бақытты болады. Ал ата-анасы қартайып қауқарсыз қалғанда, жағдайын біле тұрып қорлық көрсетсе, Пайғамбарымыз (с.ғ.с.) «Ондай перзент лағнетке ұшырайды», - деп айтқан. Ата-анамызды ренжіту, жанын ауырту Алла Тағалаға қарсы келумен тең. Және бір шындық Алла Тағала Мұса (ғ.с.) былай деп ескерткен: «Ей Мұса! Менің қасымда «жаман сөз» сондай ауыр, оның ауырлығы жер жүзінің топырағының салмағындай». Мұса (ғ.с.) «Уа, Раббым, ол қандай сөз», - деп сұрағанда Алла Тағала: «Ата-ана перзентін шақырғанда бармай, ешқандай құлақ аспай, жоқ бармаймын, сенің айтқаныңды тыңдамаймын»,- деп ерегісіп олардың көңілін қалдыратындай жаман сөз айтуы»,- деп жауап берген. Қадірлі оқырман асыл дінімізде перзентінің борышы жайында не айтылғанынан аз да болса хабардар еттік. Бүгінгі жастар ертеңгі ата-ана әр сөзімізге әр ісімізге, мұқият болайық. Жақсылық жасап, батасын ала жүргенміз абзал.
Пікірлер